.:: الاعلانات ::.
قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18




أهلا وسهلا بك زائرنا الكريم في عرب بريك، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





طريقة لكتابة CV بشكل مثالي

في البداية يعتبر الـ CV هو اول شيء يراه صاحب العمل عند تقديمك لوظيفة ولذلك يجب عليك الاهتمام بشكل كبير بهذة الجزئية و هن ..



24-12-2015 01:00 مساء
amr elsayed
المشرف العام
rating
معلومات الكاتب ▼
تاريخ الإنضمام : 21-02-2015
رقم العضوية : 1
المشاركات : 201
الجنس : ذكر
الدعوات : 2
قوة السمعة : 10
 offline 
في البداية يعتبر الـ CV هو اول شيء يراه صاحب العمل عند تقديمك لوظيفة ولذلك يجب عليك الاهتمام بشكل كبير بهذة الجزئية و هنا سنقوم بوضع نصيحة احد الاخوة في كتابة السي في CV بشكل مثالي
المقال الاتي تم اقتباسة من بوست بالفيس بوك

e9854607e2fbc14a07918d509fa88589
 

معظم الHR بيكلمونا و بيطلبو مننا نساعدهم عشان نجبلهم ناس تشتغل و الناس بتبعت CV بتصدمنا مش عيب تبقى مش بتعرف تعمل واحد بس العيب انك تشوف بوست زى ده و متتعلمش منة او تعمل شير عشان صحابك يستفادة

يلا نراجع مع بعض كده السي فى بيتكب ازاى

هتقولى انا لسه بدرس و مش لاقى حاجة اكتبها فى الCV برضو اعمل واحد او لسه خريج جديد و معنديش خبرة ,, إسمع مني و اعمل واحد و مش هتندم grin emoticon

البوست طويل و محتاج نفس طويل
- المفروض ال CV ميزدش عن صفحة او اقل كمان . لكن فى الـ"Academic "CV ممكن بيبقى صفحتين علشان الزيادات اللى قولناها و ساعات هما بيطلبوا تفاصيل. فحاول تختصر الحاجات اللى ملهاش لازمة و مش هتفيد زى الهوايات و الاهتمامات.

"البداية

ال Header بتاعك لازم يكون فيه:
1- إسمك
أكيد إسمك لازم يكون أول حاجة في ال CV يستحب إنك تخليه أكبر من أكبر خط ال CV بس بحاجة بسيطة لأنه مش بالأهمية دي.

2- عنوانك
في ناس بتسأل هوا ليه بنحط العنوان ؟ أكيد صاحب الشغل مش هيبعت برقية ليا فيها تقولي أنا إتقبلت ولا لأ .. بس في بعض الوظايف ، المسافة بين البيت والمكتب بتفرق بالنسبة لصاحب الشغل ، بيحب -مثلا- يعرف لو إحتجاك في أي وقت هتقدر تيجيله ولا لأ. بس لو العنوان مش في مصلحتك بلاش تكتبه

3- رقم تليفونك
دا مهم جدا عشان دا وسيلة الإتصال الأولى بينك وبين صاحب الشغل.

4- السوشيال ميديا
مش قصدنا هنا ال Facebook بتاعك. لأن صاحب الشغل ميهموش صورك أو علاقاتك مع صحابك .. بس يهمه الأكونت بتاعك على LinkedIn ( لو مش عارف يعني إيه LinkedIn خش هنا ;" >http://on.fb.me/1Nd00oN )

خلي بالك من حاجة .. بلاش تبدأ ال CV بتاعك بكلمة "CV" كبيرة على أساس أنها عنوان .. مهو أكيد دا CV ، مش لازم أبدا تاخد مساحة في حاجة 100% معروفة

=======================================
من أهم الحاجات في ال CV هيا كتابة إنجازاتك في مجالك والحياة عامة بشكل ملفت و يشد الإنتباه، لأنها لو مش ملفتة كفاية مش هتخلي صاحب الشغل يعديك للمرحلة الجاية " الإنترفيو".

الطريقة الأمثل لصياغة إنجازاتك هيا في الحقيقة معادلة ومن 3 متغيرات
• عملت (س) قياسا ب (ص) عن طريق ( ع )

الموضوع ممكن يبان معقد بس هوا سهل جدا .. الفكرة إنك لما تيجي تكتب إنجازاتك بتقول الأول إنت عملت إيه بشكل واضح، واللي إنت عملته دا عمل إيه بلغة الأرقام، وتبدأ تشرح ملخصا عملت دا إزاي.

يعني مثلا ، لو إنت محاسب، وكنت شغال في شركة وسبتها، في طريقتين عشان تتكلم عن الشركة دي وشغلك فيها:
1- عملت أبحاث مالية للشركة وإقترحت على أساسها إستثمارات مختلفة حسنت دخل الشركة.
2- حسنت دخل الشركة بمقدار 12% (2 مليون جنيه "مثلا grin emoticon " ) عن طريق تحليل الأوضاع المالية للأسواق المهملة.

رقم إتنين بتدى إحساس للي بيقرأ ال CV إنك واحد جامد ومتمكن من شغلك

حتى لو إنجازاتك مش مبهرة جدا بالنسبة ليك أو بالنسبة للناس المنافسين ليك، المعادلة اللي فوق دي كافية إنها توقف اللي بيقرأ ال CV عندك، ولأن كل الناس عارفة مشاكل البطالة وقلة الشغل، اللي بيقرأ ال CV هيديك فرصة تانية عشان بس إنت حاولت تكون مختلف في النطاق المتاح.

ريح شوية هنا و أقرا المعلومة دي

● عملوا احصائيات قريب و طلع ان 99% من مسئولى التوظيف بيطلبوا الCV بصيغة PDF أو DOC اللى هوا فى ملف وورد يعنى.

يلا نكمل يا أستاذ . يلا نكمل يا أنسة لسة بدري

بلاش بقى الالوان و الBoarder و البنات الى بتحط لون الفونت اورانج grin emoticon والنبي بلاش و بلاش صورة Duck Face او صورة و انت قاعد على القهوة

بلاش تكتب حاجه انت مش بتعرف تعملها يعني تعالى عند الانجليزي مثلا و اكتب مستواك الحقيقي عادي جدا ,, بلاش هوايات و بحب العب كورة و بحب اشرب شيشية و بحب احط مونكير

تنظيم ال CV

● طب خلاص عرفت هتكتب ايه و الحجات المهمة , ازاى بقى تنظم ال CV ؟ تنظيمك للCV مهم جدا , تخيل فيه وظيفة متقدملها الاف الناس من السهل جدا يستبعدوا ناس لمجرد ان الCV بتاعهم مش متنظم كويس حتى لو هما ناس جمدة و كفء .. تخيل بقة ان ممكن تترفض لمجرد ان الCV مش متنظم ! علشان كده احنا مش هنسيبك تقع فى الموضوع ده و هنساعدك تنظمه كويس .

● طب ليه هما بيركزوا على تنظيم الCV ؟ اقولك لانه بيحدد حاجات كتير فى شخصيتك زى :

ا ) قدرتك على انك تعمل حاجة منظمة .
ب) نظرتك للتفاصيل .

● طب نبدأ بقى باول حاجة و هى تنظيم الخط :

- نوع الخط يكون Arial , Callibri , Times New Roman و ابعد عن ال Comic sons .
- حجم الخط يكون من 10: 12 و ممكن انك تستخدم 10 للكلام و 12 للعناوين الرئيسية .
- استخدم خاصية Bold .
تانى حاجة هى الهوامش :
- مينفعش يزيد او يقل عن 1 inch فى كل جانب .
- النص يبقى محاذى للشمال او اليمين مع بعض لكن ميبقاش فى النص .
تالت حاجة بقى هى الطباعة :
- لو هتبعته ورق يبقى لازم تتأكد من جودة الطباعة .
- تانى حاجة لازم تتأكد من جودة الورق المستخدم يبقى ابيض او off white .
- اشترى ظرف مناسب و انت بتشترى الورق علشان تحطه فيه و دى قمة ال Professional .
- اتأكد من تماشى الwater mark مع كلامك و علشان تشوفها حط الورق قدام النور .
- لو هتبعته يستحسن تكتب االعنوان اللى هيروحله على الظرف .

ياريت تجمعولنا بقى كل حاجت احنا مكتبنهاش و تسألونا عليها عشان ننزل بيهم كلهم بوست مفصل تاني

ياااه اخيرا البوست خلص

خد كمان شوية مواقع بتعمل سي فى حلو

;" >https://europass.cedefop.europa.eu/en/home
;" >www.kickresume.com
;" >www.enthuse.me
;" >www.onlinecvgenerator.com

الموضوع منقول عن Facebook
arabbreak




تقييم الموضوع:
الرجاء تقييم الموضوع




الكلمات الدلالية
طريقة ، لكتابة ، بشكل ، مثالي ،


 







الساعة الآن 02:51 مساء